VLM AND PARTNERS (“VLM”) hüququn müxtəlif sahələrində peşəkarlaşmış hüquq firmasıdır. Müştərilərimiz son dərəcə istedadlı hüquqşünaslarımızla işləyərək diqqətəlayiq nəticələr əldə edirlər.

 

Bizim hüquqşünaslarımız və məsləhətçilərimiz dünyanın tanınmış aparıcı universitetlərinin məzunlarıdır – onlar öz işlərini beynəlxalq konsultasiya şirkətlərindəki fəaliyyətlərindən və xarici təcrübədən irəli gələn dərin bilik və təcrübələrinə əsaslanaraq həyata keçirirlər. Bizim niyyətimiz qabaqcıl beynəlxalq hüquq şirkətlərinin rəhbər tutduğu standartlara, keyfiyyət prinsiplərinə və etik qaydalara əsaslanan peşəkar fəaliyyət göstərməkdir. Bizim komandamız ingilis, rus, türk, alman, fransız, italyan və Azərbaycan dillərində sərbəst danışır.

VLM biznesin yenidən təşkili və islahatlar, korporativ hüquq, müqavilələr, ticarət, məhkəmə prosesləri, bank və maliyyə, layihələrin maliyyələşdirilməsi, dövlət-özəl sektor əməkdaşlığı, enerji, vergi və məşğulluq məsələləri sahəsində ixtisaslaşmış peşəkar şirkətdir. VLM-in hüquqşünasları geniş çeşidli biznes sahələrində (enerji və təbii ehtiyatlar, kapital bazarı, texnologiya, istehsalat, inşaat, pərakəndə ticarət, əczaçılıq və s.) fəaliyyət göstərən qabaqcıl yerli və beynəlxalq şirkətlərə yüksək profilli məsələlər və çoxsaylı mürəkkəb sövdələşmələrlə bağlı uğurlu məsləhət xidmətləri göstərir.

Xidmətlərimizin keyfiyyətinin təminatı ilə yanaşı, biz müştərilərimizə göstərilən xidmətlərlə əlaqədar peşəkar fəaliyyət sığortası da təqdim edirik.